Jumatatu , 14th Nov , 2016
 

Ligi ya Vijana wenye umri wa chini ya miaka 20 za klabu zote za Ligi Kuu ya soka Tanzania Bara inatarajiwa kuanza kesho, kwa mchezo maalum wa ufunguzi utakaofanyika katika Uwanja wa Kaitaba, Bukoba, mkoani Kagera.

Submitted by amosi on Jumatatu , 14th Nov , 2016

Kikosi cha Vijana cha Simba SC (Picha: Maktaba)

 

Tayari klabu hizo zimepewa shilingi milioni 10 (Sh 10,000,000) kutokana na udhamini wa ligi hiyo, huku pia zikitarajiwa kuongezewa shilingi milioni 10 (Sh 10,000,000) nyingine kutokana na udhamini mwingine wa Matangazo.

Vituo vilivyopangwa ni Dar es Salaam ambako kuna timu za JKT Ruvu, Simba, Ruvu Shooting, Ndanda, Majimaji ya Songea, Mtibwa, Mbeya City na Tanzania Prisons.

Kituo kingine ni Bukoba mkoani Kagera ambako kuna timu za Azam, African Lyon, Mbao FC, Toto Africans, Mwadui ya Shinyanga kama ilivyo Stand United, Kagera Sugar na Young Africans ambazo zitafungua dimba hiyo kesho kwa mchezo pekee.

Shirikisho la Soka Tanzania, TFF, imekumbusha vilabu kuzingatia, Kanuni ya 42 (27) ya Ligi Kuu inayosema: “Klabu ambayo haitapeleka uwanjani timu ya U-20 mechi ya kwanza itapigwa faini ya Sh 2,000,000 na kunyang’anywa na kupoteza mchezo, mechi ya pili itapigwa faini ya Sh 2,000,000 na kunyang’anywa pointi tatu katika Ligi ya Wakubwa (Ligi Kuu) na Ligi ya Wadogo (U-20).