Akizungumza kwenye mahojiano maalum na EATV,Meneja Habari na Mawasiliano wa Azam FC Thabit Zakaria amesema kutokana na uwepo wa ratiba ngumu inayowakabili kwa ajili ya kujiandaa na msimu mpya wa mashindano 2024-25 watashindwa kujiandaa kikamilifu kuelekea shindano la msimu huu.
''Tarehe hizo zitakuwa ngumu kwetu kutokana na wachezaji wote wanatakiwa kukaa press session zaidi ya wiki sita na hii kwa mujibu wa kitalaamu timu iwe tayari kwa mashindano ''amesema Meneja habari Azam FC Zaka Zakazi. FC.
Kwa upande mwingine,Thabit Zakaria maarufu kama Zaka Zakazi amesema bado wanaendelea kuboresha kikosi chao kwa kufanya usajili wenye tija katika kuwasaidia kufanya vizuri katika mashindano mbalimbali wanayokwenda kushiriki kwa msimu 2024-25.
Azam FC iliyomaliza nafasi ya pili ndani ya ligi kuu Tanzania Bara msimu 2023-24 inajiandaa kushiriki kwenye ligi ya mabingwa barani Afrika msimu 2024-25.
