Jumamosi , 7th Dec , 2019
Na Mwandishi wetu 

Mapema siku ya leo Disemba 7, 2019, zilitoka taarifa za msiba kwa aliyekuwa mdogo wake muigizaji Steven Kanumba aitwaye Seth Bosco, ambaye amefariki kutokana na kusumbuliwa na uti wa mgongo.

Submitted by Elbogast on Jumamosi , 7th Dec , 2019

Picha ya marehemu Seth Bosco

EATV & EA Radio Digital imempata msemaji wa chama cha waigizaji aitwaye Masoud Kaftan, ambaye ameeleza chanzo cha kifo chake na taarifa kamili kuhusu siku ya mazishi ya Seth Bosco.

"Marehemu alikuwa anasumbuliwa na uvimbe kwenye uti wa mgongo,  kabla ya kufariki alienda hospitali ya Muhimbili kisha akarudi nyumbani, ila kuanzia mida ya saa 12:00 jioni akaanza kupata baridi kali, kujisikia vibaya  ilivyofika usiku saa 4:00 au 5:00 akaanza kubadilika na ilivyofika saa 6:00 usiku akakata roho" ameeleza msemaji wa waigizaji Masoud Kaftan.

"Msiba upo nyumbani kwa Mama wa marehemu Kimara Temboni, sasa hivi tupo katika mipangilio ya vikao, lengo tulikuwa tunaomba tukamzikie katika makaburi ya Kinondoni siku ya Jumatatu Disemba 9, kuanzia mida ya saa 8:00 mchana hadi saa 10:00 jioni,  tuwe tumeshamstiri" ameongeza.