Jumamosi , 6th Jan , 2024
Na Mwandishi wetu 

Jeshi la Polisi Mkoani Geita linamshikilia mwanamke Swaumu Mahondola mwenye umri wa miaka 34 mkazi wa kata ya Makurugusi wilayani Chato Mkoani Geita kwa tuhuma za kuiba Mtoto mchanga mwenye umri wa mwezi mmoja katika kata ya Ludete Iliyopo Halmashauri ya wilaya ya Geita.

Submitted by exaud on Jumamosi , 6th Jan , 2024

Kaimu Kamanda wa Jeshi la Polisi Mkoani Geita ACP Amoni Mimata amesema tukio la mtoto huyo kuibiwa lilitokea Desemba 22,2023 saa tano usiku ambapo Swaumu alimvizia mama wa Mtoto huyo akiwa bafuni anaoga na akatumia nafasi hiyo kumchukua mtoto.

Kamanda Amoni amesema baada ya tukio hilo mama wa Mtoto huyo aitwaye Martha Philemoni alitoa taarifa Polisi na uchunguzi ukaanza na kufanikiwa kumkamata mtuhumiwa huyo.

"Baada ya kumkamata mtuhumiwa huyo akiwa na Mtoto, Mtoto tumemfanyia vipimo vyote vya afya na tumemkuta yuko vizuri bado jeshi tunaendelea na upelelezi ukikamilika mtuhumiwa tutampeleka mahakamani"