Akizungumza kwenye kikao cha Halmashauri Kuu cha CCM kinachoendeshwa na Mwenyekiti wake Rais Magufuli, Masha amesema yeye ni kada wa CCM kwani amezaliwa na kukulia kwenye CCM, hivyo anaomba uongozi wa CCM umkubalie aweze kurudi nyumbani na kuitumikia CCM.
"Mwaka 2015 nilifanya maamuzi ambayo sina sababu ya kueleza sana, nimezaliwa ndani ya chama hiki, nilipohama ilibidi nimfiche mzee Masha, akanipigia simu akanuliza umefanya? nikamuuliza kwani wewe chama gani? akaniambia mimi nilifukuzwa we umehama, amefurahi sana juzi nilipomwambia narejea CCM, Mheshimiwa Mwenyekiti na kamati yako, naomba mnikubali, naahidi nitakuwa mwaminifu kwa chama cha Mapinduzi na serikali yake, ukinihitaji nitumie", amesema Lawrence Masha.
Hivi karibuni Lawrence Masha alitangaza kukihama chama cha CHADEMA akisema chama hiko hakina nia madhubuti ya kushika dola kama malengo ya vyama vya upinzani vingi duniani.