Katibu wa Itikadi na Uenezi wa CCM Shaka Hamdu Shaka.
Taarifa hiyo imetolewa leo Mei 15, 2022, na Katibu wa Itikadi na Uenezi wa chama hicho, Shaka Hamdu Shaka, na kusema uamuzi huo wa kupandisha mishahara, ikiwa ni pamoja na kima cha chini kwa watumishi wa umma kwa asilimia 23.3, ambao umefanyika kwa kuzingatia taratibu za mwenendo wa uchumi, pia ule wa kuelekeza kukamilishwa kwa taratibu za kisheria kuhakikisha malipo ya mkupuo ya wastaafu yanapandishwa kutoka asilimia 25 hadi asilimia 33.
"Utekelezaji wake umedhihirisha jinsi Rais Samia Suluhu Hassan, alivyo kiongozi msikivu, anayejali wananchi wake, muungwana wa vitendo na zaidi yuko imara kuhakikisha serikali ya CCM anayoiongoza, inaendelea kuwa tumaini la watu kwa kugusa maisha yao kwa namna chanya,"imeeleza taarifa hiyo
Taarifa hiyo ikatoa wito kwa wafanyakazi wa ndani kwamba waendelee kuiunga mkono serikali, kushikamana, kufanya kazi kwa bidii, uzalendo na weledi ili kuleta tija zaidi katika maendeleo ya nchi.