Mgombea wa Urais kupitia Chama cha ACT Wazalendo Maalim Seif Hamad akihutubia wananchi wa Kigoma Mjini.
Akihutubia umati wa watu uliojitokeza katika mkutano wake uliofanyika Kigoma Maalim ambapo amesema kuwa Zitto amekuwa akifanya kazi kubwa sana zaidi ya punda bila kuchoka.
"Mimi wakati mwingine nikimwambia kiongozi wangu pumzika lakini yeye ananiambia maalim nitampumzika baada ya kuchukua majimbo na mimi naamini kwa kazi aliyoifanya Zitto inshaallah tutapata majimbo yasiyopungua 30 mwaka huu hiyo kwa Tanzania bara tu." alisema Maalim.
Aidha Maalim aliendelea kumsifia kiongozi huyo kwa jinsi anavyojali Watanzania na kusema, "Üzuri wa Zitto sio tu kwamba anatetea Kigoma, anatetea masikini wote Tanzania, "Zitto ni mtoto wenu anaipenda sana Kigoma lakini Zitto ni mwana wa Tanzania anayeipenda sana Tanzania huyo ndio kiongozi"
Hata hivyo Maalim ameupongeza uongozi wote wa Kigoma kwa kazi nzuri walioifanya na Halmashauri ya Kigoma mjini kuwa ni nzuri kwa Tanzania
