Mosquera aliondolewa uwanjani kipindi cha kwanza kutokana na maumivu, nafasi yake ikichukuliwa na Jurrien Timber, huku Viktor Gyökeres akichukua nafasi ya Rice aliyepata majeraha baadaye katika mchezo huo.
Akizungumza baada ya mechi, Arteta alisema:
"Ni kipindi kigumu sana. Tumewapoteza wachezaji wawili muhimu tena, wakati ambapo ratiba ni ngumu na tunahitaji wachezaji wote kuwa fiti. Tayari tunawakosa Saliba na Gabriel, sasa tunaongezewa mzigo mwingine."
Hali hiyo inaongeza presha kwa Arsenal, hasa wakati huu wa msimu mzito wa michezo kuelekea mwisho wa mwaka. Arteta atategemea tathmini ya kitabibu kujua ukubwa wa majeraha hayo kabla ya mechi zijazo.
