Mwenyekiti wa Chama Cha Demokrasia na Maendeleo (CHADEMA) Tundu Lissu amewataka wanachama wa chama hicho kusahau mikwaruzano waliyopitia katika uchaguzi na kwenda mbele kukijenga chama pasipo kuweka tofauti zao
“Sababu iliyofanya tusemezane vibaya imepita, sababu iliyotufanya tuvutane imepita na imepita kwa namna ambayo nchi hii nzima inaisifia. Nchi nzima hii inatusifia kwa hiyo kwa sababu tumefanya jambo ambalo kila mtu anatusifia bado tuna sababu ya kuvutana? hapana. Tunarudi wote nyumbani kwa sababu wote ni wa nyumba moja kwa hiyo baada ya kelele yote hii turudi nyumbani kwetu(CHADEMA) tuangalie palipobomoka tukajenge palipopasuka tuparekebishe wote."
Lissu amezungumza haya baada ya kupokelewa Makao Mkuu ya chama hicho Mikocheni Dar Es Salaam ambapo uongozi mpya umekabidhiwa ofisi rasmi siku ya leo 29 Januari, 2025.
