Chama cha National Labour Congress (NLC) na chama cha wafanyakazi (TUC) wameishutumu serikali kwa kushindwa kupunguza mzigo wa kifedha kwa raia wa Nigeria ambao umezorota zaidi kutokana na kuondolewa kwa ruzuku hiyo kwa mafuta.
viongozi wa chama hicho walisema katika taarifa ya pamoja kwamba "Itakuwa ni maandamano kabisa hadi serikali itakapotimiza mahitaji ya wafanyakazi wa Nigeria, na raia wa Nigeria,"
Walitoa wito kwa wafanyakazi wote kusitisha shughuli kuanzia Jumanne Oktoba 3 na kusema wataandaa maandamano mitaani.
Bei za vyakula na bidhaa zimepanda katika miezi ya hivi karibuni kutokana na kuongezeka kwa gharama za mafuta, jambo ambalo limeongeza gharama za uzalishaji na usafirishaji.
Sarafu ya Nigeria, naira, pia imeshuka kwa kiasi kikubwa dhidi ya dola ya Marekani, ikibadilishana kwa wastani wa naira 780 hadi $ 1, ambayo imesababisha kuongezeka kwa gharama za uagizaji.
Serikali ilikuwa imewaomba viongozi wa vyama vya wafanyakazi kusitisha mgomo huo na kuruhusu nafasi ya mazungumzo kwa sababu ya uharibifu unaokaribia hatua ya mgomo inaweza kusababisha uchumi.
Rais Bola Tinubu alisema kusitisha ruzuku ya mafuta ni muhimu kwani ilikuwa ni gharama kubwa sana kuweka bei ya petroli kuwa chini.
