Baada ya hukumu ya saa sita, walisema rufaa ya Peter Obi wa chama cha Labour haikuwa na sifa na ilitupilia mbali hoja zake zote, ikiwa ni pamoja na udanganyifu.
Uamuzi wao kuhusu changamoto ya Atiku Abubakar wa chama cha Peoples Democratic Party unatarajiwa kutolewa hivi karibuni.
Licha ya changamoto ya uchaguzi, Bw Tinubu aliapishwa Mei 29.Nchi hiyo ilikuwa na hali ya wasiwasi kabla ya uamuzi wa Jumatano, huku usalama ukiimarishwa katika mji mkuu wa Abuja.
Licha ya onyo kutoka kwa mamlaka dhidi ya maandamano, makundi mbalimbali ya kisiasa yalikusanyika karibu na mahakama, kuimba na kucheza.Jaji mkuu Haruna Tsammani, ambaye alisoma hukumu hiyo, alisema "walalamikaji walishindwa kuthibitisha madai ya vitendo vya rushwa na kupiga kura kupita kiasi".
