Naibu msemaji wa CCC, Ostallos Siziba, aliwaambia waandishi wa habari kwamba chama chake kitaushawishi Umoja wa Afrika na chombo cha kikanda Sadc kushinikiza chama tawala cha Zanu-PF kufanya uchaguzi mpya na kuvunja tume ya uchaguzi.
Hatavutiwa na kufichua ikiwa chama chake kitachukua njia ya kisheria kupinga matokeo.Alisema CCC "itatumia hatua zote kwa wakati unaofaa".
Kiongozi wa chama hicho Nelson Chamisa alipata asilimia 44 ya kura, lakini anasisitiza kuwa matokeo hayo yalikuwa ya uongo.
Hata hivyo, baadhi ya viongozi wa kikanda, akiwemo Rais wa Afrika Kusini, Cyril Ramaphosa, wamempongeza Rais Emmerson Mnangagwa kwa ushindi wake, licha ya tathmini ya awali ya waangalizi wa uchaguzi wa Sadc kusema kuwa uchaguzi huo ulikosa viwango vya kidemokrasia vinavyokubalika.
