Friday , 18th Nov , 2022
Na Mwandishi wetu 

Mamlaka ya Kudhibiti Ukame ya Kitaifa ya Kenya (NDMA) imesema katika chapisho lake jipya lkwamba idadi ya Wakenya wanaokabiliwa na uhaba mkubwa wa chakula imefikia milioni 4.35, na msimu mfupi wa mvua wa Oktoba hadi Desemba unakatisha matumaini ya mavuno mengi katika maeneo mengi ya nchi.

Submitted by Agnes Kibona on Friday , 18th Nov , 2022

Kwa mujibu wa NDMA, watoto 942,000 wenye umri wa miezi sita hadi 59 pamoja na akina mama 134,000 wanaonyonyesha katika kaunti zaidi ya 20 zilizoathiriwa na ukame au nusu kame wana utapiamlo na wanahitaji msaada wa haraka wa kibinadamu.

Kenya inakabiliwa na uhaba mkubwa zaidi wa chakula katika miongo minne iliyopita kufuatia misimu minne mfululizo ya uhaba wa mvua, athari mbaya za janga la COVID-19, pamoja na gharama kubwa ya mafuta na pembejeo za shambani kama mbolea.