Akizungumza na East Africa Radio, Mkurugenzi wa Kamisheni ya mchezo wa wavu wa ufukweni, Muharami Mchume amesema michuano hiyo ambayo ni sehemu ya kufuzu kwa michuano ya Olimpiki itakayofanyika Rio de Janeiro, Brazil mwaka 2016 itashirikisha nchi za Kenya, Burundi, Somalia, Ethiopia, Djibouti na wenyeji Tanzania.
Mchume amesema, timu shiriki ya hapa nchini imeshaingia kambini na inaendelea na mazoezi na wanaamini kutokana na mazoezi hayo wataweza kufanya vizuri katika mihuano hiyo.
