Wema Sepetu
Rado amebainisha hayo wakati alipokuwa anazungumza na waandishi wa habari kuhusiana na filamu waliyocheza pamoja na Wema iliyopewa jina la 'Madame' ambayo ilizua utata katika mitandao ya kijamii ikidai wawili hao wanatoka kimapenzi nje ya kazi hiyo.
"Sijawahi kumpenda msanii yeyote wa bongo movie wala bongo fleva wa kike, sijawahi kuvutiwa na madame Sepetu kwa sababu naona kama yupo nje ya wanawake ambao mimi nawapenda. Unajua mimi nina mchanganyiko wa Usukuma na Unyakyusa kwa hiyo wanawake wa kudeka muda wote siwapendi, napenda wanawake fulani hivi ambao wamekaza", amesema Rado.
Pamoja na hayo Rado ameendelea kwa kusema "Kwa jinsi alivyokuwa mlegevu Madame sina uhakika kama anaweza hata kufua nguo, kutokana na kudeka kwake".
Msanii Rado
Kwa upande mwingine, Rado amesema kwa sasa soko la filamu linaendelea kufanya vizuri sokoni kwa madai kileo chao kimeweza kusikika na hatimaye baadhi ya makampuni wamejitokeza katika kusimamia mauzo ya kazi zao ambao zinaingia mtaani.
