Rais Kikwete akiongoza dua ya kumuombea Marehemu Mzee Small muda mfupi kabla ya maziko yake
Aliyekuwa mwigizaji maarufu wa filamu nchini, Marehemu Mzee Small amezikwa leo jijini Dar es Salaam katika makaburi ya Tabata Segerea akisindikizwa katika safari yake ya mwisho na umati mkubwa wa waombolezaji, wasanii na wadau mbalimbali, wakiongozwa na Rais Jakaya Kikwete aliyeongozana na mkewe mama Salma Kikwete.
Mzee Small ambaye atakumbukwa kwa umahiri wake katika sanaa ya filamu hususan akiwa na mwigizaji mwenzake Bi. Chau, alizaliwa miaka 59 iliyopita, amefikwa na umauti baada ya kuugua ugonjwa wa kiharusi tangu mwaka 2012.
Mungu ailaze roho ya marehemu mahala pema peponi.Amen.
