Rais John Pombe Magufuli
Watuhumiwa hao wamefikishwa leo Mahakamani Jijini Mwanza ambapo kesi yao imekabidhiwa mbele ya Hakimu Mkazi Gwai Sumayi ambapo wanatuhumiwa makosa ya uhujumu uchumi, Rushwa pamoja na utakatishaji fedha.
Watuhumiwa hao wanatetewa na mawakili watano ambapo mtuhumiwa namba 2 na 3 wanatetewa na wakili wa kujitegemea Anthony Nasimir, huku wengine wanatetewa na Steve Makwega, wakili Fidelis Ntwewele, Nazario huku upande wa serikali ukisimamiwa na Wakili Mwandamizi Castuce Ndamugoba.
Watuhumiwa wote 12 hawakutakiwa kujibu chochote kutokana na mahakama hiyo kutokuwa na uwezo wa kusikiliza kesi hiyo na kurudishwa rumande hadi Februari 11 mwaka huu kesi itakapotajwa tena.
Akizungumza wakati akimuapisha Waziri wa Madini Dotto Biteko, Rais Magufuli alifahamu njama zilizopagwa na baadhi ya askari polisi ambao walikuwa kwenye doria ambao walipanga kupokea bilioni moja ili kupitisha madini hayo.
