Jinsi moto ulivyokuwa unaunguza soko la mitumba la Karume jijini Dar es Salaam usiku wa kuamkia leo.
Akizungumzia tukio hilo, kamanda wa operesheni ya zimamoto Mkoa wa Ilala, Bw. Emmanuel Msusu amesema kuwa vikosi vya zimamoto vinaendelea kuuzima moto huo ambao umesababisha hasara kwa kiasi kikubwa.
Kwa mujibu wa kamanda Msusu, wazima moto walifanikiwa kuudhibiti moto uliosambaa karibu na kiwanda cha Tanzania Breweries Ltd, lakini haukusababisha hasara yeyote katika nyumba za jirani na soko hilo.
Imeelezwa kuwa takribani mabanda yote ya biashara katika soko hilo yameteketea kwa moto na hakuna mfanyabiashara aliyefanikiwa kuokoa mali yake. Jeshi la polisi linaendelea kutafuta chanzo cha moto huo unaodaiwa kuanza majira ya saa nne usiku.
