Vituo hivyo vipya ni hatua inayolenga kupunguza tatizo la foleni linaloendelea kulikabili jiji hilo siku hadi siku.
Wakizungumzia mgomo huo ambao ulisababisha adha kubwa kwa wananchi madereva hao ambao kulingana na utaratibu mpya hawataruhusiwa kuanzia safari katikati ya jiji, wamesema hauna tija kwao na wana wasiwasi kuwa hizo ni njama za kuwaondoa katika eneo hilo.
Mwenyeki wa chama cha wasafirishaji wa abiria mkoa wa Arusha Adolfu Loken amesema malalamiko ya madereva hao hayana msingi kwani utaratibu huo umezingatia mahitaji ya pande zote na ndio suluhisho la tatizo la msongamo linaloendelea kuathiri sekta hiyo.
Hali hiyo imezua vurugu zilizoambatana na makundi ya vijana wapiga debe kuvunja vioo vya magari ambayo yalikuwa yamekaidi msimamo wa mgomo na kusababisha askari wa kikosi cha kutuliza ghasia (FFU) kuingilia kati kuwatawanya.
Mamia ya abiria, wakiwemo wanafunzi na wafanyabiashara, leo wamelazimika kutembea kwa miguu na wengine kukodi pikipiki maarufu kama bodaboda.
Kutokana na mgogoro huo, maafisa wa halmashauri ya jiji la Arusha, Chama cha Wasafirishaji na Mamlaka ya Udhibiti wa Usafiri wa nchi Kavu na Majani (SUMATRA) wamekutana kwa dharura ambapo baada ya kikao, wameazimiakuwa utaratibu mpya kuendelea.
