Mtu huyo mwenye umri wa miaka 23 alivuka mpaka kutoka Korea Kusini tarehe 18 Julai wakati akiwa katika ziara ya kikazi.
Amri ya Umoja wa Mataifa imesema haitatoa maelezo zaidi kuhusu majibu ya Pyongyang wakati huu. Ilisema kuwa haikutaka kuingilia juhudi za kumrudisha nyumbani mwanajeshi huyo.Hata hivyo, jibu hilo linaashiria kuwa Pyongyang inaweza kuwa tayari kuanza mazungumzo.
Korea Kaskazini awali ilikiri ombi hilo lakini hii ni mara ya kwanza kwa wao kujibu, kuthibitisha kuwa Marekani iko chini ya ulinzi wao.Korea Kaskazini haijakubali hadharani kukamatwa kwa mwanajeshi huyo aitwae King.
Kabla ya kuvuka mpaka, King alitumikia kifungo cha miezi miwili nchini Korea Kusini kwa mashtaka ya shambulio. Aliachiwa huru tarehe 10 mwezi Julai. Alitakiwa kurudi Marekani kukabiliana na kesi za kinidhamu lakini alifanikiwa kuondoka uwanja wa ndege na kujiunga na ziara ya DMZ.
Yeye ni mtaalamu wa uchunguzi ambaye alikuwa katika jeshi tangu Januari 2021 na alikuwa Korea Kusini kama sehemu ya mzunguko wake.
