Alhamisi , 5th Nov , 2020
Na Mwandishi wetu 

Taasisi ya Kuzuia na Kupambana na Rushwa mkoani Kagera (TAKUKURU), inatarajia kumfikisha mahakamani mfanyakazi wa Shirika la Umeme nchini (TANESCO) Shamy Magheta, anayetuhumiwa kuomba rushwa ya shilingi 500,000 kutoka kwa mwananchi aliyemlaghai kuwa atampelekea huduma ya umeme.

Submitted by Agnes Kibona on Alhamisi , 5th Nov , 2020

Mkuu wa TAKUKURU mkoa wa Kagera, John Joseph.

Akizungumza na EATV Mkuu wa TAKUKURU mkoani Kagera, John Joseph, amesema kuwa mfanyakazi huyo wa TANESCO ambaye ni fundi, alitenda kosa hilo kati ya mwezi Machi na Aprili mwaka huu, katika kijiji cha Ruzinga kata Bugene wilayani Karagwe.

Joseph amesema kuwa mfanyakazi huyo alifanikiwa kuiba nguzo ya shirika hilo na kuipeleka kwa mwananchi huyo na baadaye TANESCO waligundua uwepo wa nguzo kinyume cha taratibu na kutoa taarifa TAKUKURU ambao walianza uchunguzi.