Dada Victoria Romanus anayemtafuta msanii Harmonize
Victoria Romanus amesema yeye ni mgeni, na Dar Es Salaam amefikia maeneo ya Mbagala Mission kwa shangazi yake, hivyo anafanya kazi ya kuzunguka kwenye vyombo vya habari ili kupata msaada wa kuonana na Harmonize.
"Mimi nina kipaji cha sanaa ya uchezaji, nimetoka Musoma kuja Dar Es Salaam kwa dhumuni moja tu la kumtafuta Harmonize kwa sababu napenda kuwa mchezaji wake, kwa upande wa kutafuta nauli nilihangaika sana mama yangu alikuwa hana uwezo wa kunipa nauli, hivyo nikawa natunza pesa zangu mwenyewe huku nikifanya shughuli ndogondogo kwa mwezi mmoja ili nipate nauli ya kuja huku kumpata Harmonize" ameeleza
Dada huyo hakuishia hapo kwani amefikia hatua ya kumwaga machozi kwa uchungu huku akisema anampenda sana Harmonize kuliko wasanii wote pia ndiyo shabiki yake mkubwa japo anakatishwa tamaa na watu kwamba hawezi kumpata msanii huyo.
Ziadi mtazame hapa chini akizungumzia hilo.
