Shirika la Habari la Fars la Iran limeripoti kuwa idara za kijasusi za Jeshi la Walinzi wa Mapinduzi ya Iran limewakamata watu hao baada ya kuwatambua kuwa ni maajenti au washirika katika vita vilivyoanzishwa hivi karibuni na taasisi ya Kizayuni.
Shirika hilo lilinukuu taarifa ya kijasusi ikisema, Wengi wa wafungwa hao walikiri kuhusika na shughuli za usalama, kuchochea fujo za umma na hujuma.
Kukamatwa huku kumekuja baada ya Mkuu wa Majeshi wa Israel Jenerali Eyal Zamir kutangaza kwamba vikosi vya makomandoo wa ardhini wa Israel vilifanya kazi ndani ya ardhi ya Iran wakati wa vita, na kuongeza, "Vikosi vyao vilifanya kazi kwa siri ndani kabisa ya ardhi ya adui.
Bado haijafahamika iwapo Zamir alikuwa akimaanisha makomando wa Mossad ambao hapo awali walifanya oparesheni ya kuzima ulinzi wa anga na makombora ya balistiki ya Iran, au kama alikuwa akifichua matendo ya makomando wa kijeshi wa Israel kwa mara ya kwanza.
Mamlaka ya Iran mara kwa mara hutangaza kukamatwa au kunyongwa kwa watu wanaotuhumiwa kufanya ujasusi wa mashirika ya kijasusi ya kigeni, ikiwa ni pamoja na Mossad ya Israel.
Serikali ya Irani iliahidi Jumapili kuharakisha kesi katika kesi za ujasusi, kufuatia shambulio la Israeli la Juni 13, ambalo Tehran iliamini kuwa lilitokana na ujasusi
