Kakiongoza kikosi cha Mashetani Wekundu la Jiji la Manchester kushinda michezo mitatu na kutoka sare mchezo mmoja wa ligi dhidi ya Chelsea mchezo uliopigwa dimba la Old Trafford aliamua kuondoka baada ya kuambiwa hatokuwa sehemu ya benchi la ufundi la Kocha mpya wa timu hiyo Mreno Ruben Amorim.
Ruud van Nistelrooy anatarajiwa kutangazwa kuwa Kocha mkuu mpya wa klabu ya Leicester City inayoshiriki ligi kuu Uingereza atakwenda kuchukua mikoba ya Kocha Steve Cooper, aliyefutwa kazi wiki iliyopita baada ya kupoteza mchezo wa ligi kuu EPL kwa goli 2-1 dhidi ya Chelsea.
Uteuzi wake wa kuwa Kocha mkuu wa The Foxes umekuja ndani ya wiki mbili tangu aondoke kwenye klabu ya Manchester United alipohudumu kwenye nafasi ya ukaimu kocha mkuu baada ya kufukuzwa kazi Erik Ten Hag.
Kakiongoza kikosi cha Mashetani Wekundu la Jiji la Manchester kushinda michezo mitatu na kutoka sare mchezo mmoja wa ligi dhidi ya Chelsea mchezo uliopigwa dimba la Old Trafford aliamua kuondoka baada ya kuambiwa hatokuwa sehemu ya benchi la ufundi la Kocha mpya wa timu hiyo Mreno Ruben Amorim.
Mechi mbili alizoshinda akiwa anaiongoza Manchester United ilikuwa dhidi ya Leicester City ushindi goli 5-2 mchezo wa kombe la Carabao na 3-0 mchezo wa ligi kuu Uingereza maarufu EPL.
Mshambuliaji huyo wa zamani wa Mashetani Wekundu, Real Madrid, PSV na timu ya taifa ya Uholanzi anajiunga na Leicester City timu hiyo ikiwa nafasi ya 16 baada ya kucheza michezo 12 ikiwa alama moja juu ya mstari wa hatari ya kushuka daraja.
Cooper alijiunga na The Foxes kuchukua mikoba ya Enzo Maresca aliyehamia Chelsea kafanikiwa kushinda michezo miwili tu ya ligi kuu Uingereza.
Van Nistelrooy alianzia kazi ya Ukocha katika klabu yake ya zamani ya PSV msimu wa 2022-23 ambapo alishinda kombe la ligi akahamia Manchester United kwenye nafasi ya kocha msaidizi mwezi Julai 2024.
Mechi ijayo ya Leicester City itakuwa dhidi ya Brentford siku ya Jumamosi ingawa bado haijafahamika kama Van Nistelrooy ataiongoza timu yake mpya kwenye mchezo huo.
Kaimu kocha wa kikosi hiko mabingwa wa EPL msimu wa 20215-2016 Ben Dawson ataendelea kuiongoza timu hiyo mpaka baada ya mchezo wa Jumamosi ndipo ataondoka kwenye nafasi yake.
Van Nistelrooy anakazi kubwa ya kufanya kuhakikisha anarudisha imani ya kupambana kwenye timu yake mpya pamoja na kuhakikisha anadhibiti chumba cha kubadilishia nguo jambo ambalo lilimshinda Steve Cooper.
