Real Madrid inashika nafasi ya pili msimamo wa ligi kuu nchini Hispania ikijikusanyia alama 24 nyuma ya Barcelona iliyoko kileleni na alama zake 33,ligi ya Mabingwa ipo nafasi ya 17 imekusanya alama 6 baada ya kucheza michezo minne.
Kocha wa Real Madrid Carlo Ancelloti yupo kwenye wakati mgumu ndani ya kikosi cha Mabingwa mara 15 wa ligi ya mabingwa Ulaya baada timu yake kupokea kipigo cha pili kikubwa ndani ya wiki tatu kutoka kwa AC Milan ya Italia jana usiku uwanja wake wa nyumbani Santiago Bernabéu Stadium .
Timu ya Los Blancos imekutana na kichapo cha 3-1 dhidi ya Rossoneri inayonolewa na Kocha raia wa Ureno Paul Fonseca. Haukuwa usiku mzuri kwa Mashabiki wa Madrid Duniani kwa kile kilichotokea ndani ya uwanja wa Santiago Bernabéu Stadium usiku wa jana.Kila kitu kilionekana kukataa kwa upande wa Mabingwa watetezi wa La liga safu ya kiungo ilikosa utulivu, haikuendana na kasi ya viungo wa Wapinzani wao sehemu ya ulinzi muda mwingi wa mchezo ilikatika hakukuwa na wakumtuma mwenzie kati ya Éder Militão na Antonio Rüdiger muda wote walipoteana walishindwa kuwazuai Washambuliaji wa Milan waliongozwa na Alvaro Morata na Rafael Leao.
Vinicius Junior alionekana kupambana peke yake kwenye eneo la mwisho la kushambulia jitihada zake zilizuiliwa vizuri na Walinzi wa Rossoneri waliokuwa chini ya uongozi wa Fikayo Tomori na Golikipa wa kimataifa wa Ufaransa Mike Maignan aliokoa michomo mingi ya hatari langoni mwake na kuiwezesha timu yake kuondoka na ushindi ugenini.
Maswali mengi yanabaki kwa Kylian Mbappé na Jude Bellingham ambao hawatotamani kuukumbuka usiku wa jana kutokana na viwango vyao kutokuridhisha kulikopelekea Ancelotti kumtoa mchezoni Bellingham nafasi akaingia Brahim Díaz.Mbappe wakati anajiunga na timu hiyo yenye makao yake makuu Jiji la Madrid alibeba matumaini makubwa ya Madridistas Ulimwenguni kinachotokea kwake kila mpenda soka anakishangaa.Wadau wengi wa mpira Duniani wanasema nafasi anayocheza inamnyima uhuru Mbappe kuonyesha makali yake eneo ambalo alikuwa akaihudumu kwa ubora mkubwa akicheza kwa kushambulia kutokea upande wa kushoto eneo ambalo Vinicius amefanya makubwa misimu ya hivi karibuni akiwa eneo hilo.
Jude Bellingham ajaanza vizuri msimu huu wa 2024-2025 baada kuwa bora msimu uliomalizika na kuwagawa Mashabiki wa Madrid juu ya nani alipaswa kuchukua tuzo ya Mchezaji bora wa mwaka kati yake na Vinicius Junior ameonekana kuhangaika kwenye michezo yote mikubwa Real Madrid iliyocheza msimu huu kuanzia Madrid Derby dhidi ya Atletico Madrid na El Classico dhidi ya Barcelona FC.
Carlo Ancelotti amewataka Wachezaji wake kujitathimi kwa kusema si kitu cha kawaida timu hyio kupoteza kwa kufungwa magoli mengi nyubani mfululizo. Borrusia Dortmund ilifanikiwa kupata magoli 2 kwenye ushindi wa 5-2, Barcelona FC iliondoka na ushindi wa goli 4-0 AC Milan nayo imeondoka Santiago Bernabéu Stadium Mbabe baada ya kuiadhibu timu hiyo mabingwa wa kihistoria wa La liga, kichapo hiko kimeanza kutengeneza presha kwa Muitaliano Carlo Ancelotti ambaye alionekana angeondoka Madrid mwishoni mwa msimu uliopita matokeo mabovu yakiendelea ndani ya kikosi hiko safari yake itaamuliwa rasmi na Florentino Pérez rais wa Madrid.
Real Madrid inashika nafasi ya pili msimamo wa ligi kuu nchini Hispania ikijikusanyia alama 24 nyuma ya Barcelona iliyoko kileleni na alama zake 33,ligi ya Mabingwa ipo nafasi ya 17 imekusanya alama 6 baada ya kucheza michezo minne.
