Kamanda wa Polisi Kikosi cha Kuzuia Wizi wa Mifugo nchini Kamishna Msaidizi wa Polisi ACP Simon Pasua
Akitoa taarifa hiyo katika maeneo ya mnada wa Longido, Kamanda wa Polisi Kikosi cha Kuzuia Wizi wa Mifugo nchini Kamishna Msaidizi wa Polisi ACP Simon Pasua, hii leo Novemba 19, 2023 amebainisha kuwa mifugo hiyo pamoja na watuhumiwa hao wamekamatwa maeneo ya Buguruni C wilaya ya Longido mkoani Arusha.
Aidha ametoa wito kwa wafugaji wote nchini kuacha tabia ya kutorosha mifugo kwenda nje ya nchi bila ya kufuata utaratibu wa kupata vibali toka serikalini, kwani Jeshi hilo litachukua hatua za kisheria dhidi yao ikiwa ni pamoja na kukamata mifugo hiyo na kuwafikisha mahakamani.
Sambamba na hilo pia ametoa rai kwa wafugaji kote nchini kutumia vizuri msimu huu wa mvua ambao kuna malisho ya kutosha, kwa kutenga maeneo ya malisho ambayo watayatumia katika msimu wa kiangazi ambapo itasaidia kuepukana na migogoro baina ya wafugaji na wakulima.
Kwa upande wake Daktari wa mnada wa Longido Dkt. Ally Hamka amesema changamoto kubwa wanayokabiliana nayo ni baadhi ya wafanyabaishara wa mifugo kutokuwa waaminifu kwa kukwepa kupeleka mifugo yao katika mnada huo kwa ajili ya kupewa vibali.
