Utapeli wastukiwa katika usajili wa gazeti

Tuesday , 10th Jan , 2017

Idara ya Habari (MAELEZO) imebaini nyaraka za kughushi zilizowasilishwa na Mmiliki wa Kampuni ya FUKANI, Joseph Sheka wakati alipoziwasilisha kwa ajili ya kusajili gazeti la LETE MAMBO.

Hassan Abbas - Mkurugenzi wa Idara ya Habari Maelezo

 

Akizungumza na waandishi wa habari leo Jijini Dar es Salaam, Mkurugenzi wa MAELEZO, Dkt. Hassan Abbasi amesema kuwa mtuhumiwa huyo aliwasilisha nyaraka mbalimbali akidai kuwa ni za Mamlaka ya Mapato (TRA) ambazo uchunguzi wa awali umebaini kuwa mihuri na sahihi za baadhi ya maafisa wa Mamlaka hiyo zilizotumiwa ni za kughushi.

“Ni vyema jamii ikafahamu kuwa huu siyo wakati wa kujaribu kuishi kwa njia zisizo halali, kila mwananchi anapaswa kufuata taratibu zinatohitajika pindi anapotaka kupatiwa huduma katika maeneo mbalimbali ya ofisi za Umma.

Dkt. Abbasi alitoa rai kwa ofisi mbalimbali za Umma kuwa makini na nyaraka zinazowasilishwa na wateja wao kwani zinaweza kuwa na malengo mbalimbali ya kuiingiza Serikali katika matatizo hivyo kuitia hasara.

Mbali na hayo Dkt abbasi alisisitiza kuwa wale wanaohisi waliwasilisha nyaraka zao na kuona kwamba zina utata kuja kuzirekebisha na watakaobainika kuwa walighushi nyaraka hizo sheria itafuata mkondo wake.

Kwa sasa Idara ya Habari imemkabidhi mtuhumiwa katika Kituo cha Polisi cha Kati jijini dar es salaam kwa mahojiano zaidi.

Recent Posts

Waziri wa Kilimo, Mifubo na Uvuvii, Dkt. Charles Tizeba

Current Affairs
Tuna chakula cha kusaza - Waziri Tizeba

Mzee majuto katika bustani yake

Entertainment
Mambo matatu kubadili maisha ya mzee Majuto 2017

Moja ya ndege ya mpya za ATCL

Current Affairs
Nauli ya Dar - Dodoma kwa Bombadier, yatajwa

Jumaa Aweso, Mbunge wa Pangani

Current Affairs
Mbunge wa Pangani alia na upungufu walimu

Kocha Msaidizi wa Yanga, Juma Mwambusi

Sport
Mwambusi apania kuikamata Simba kileleni