Gharama za chakula, usafiri na huduma nyingine pia zimepanda. Aidha, Serikali inafikiria mapendekezo ya kuongeza mishahara ya watumishi wa umma. Malalamiko juu ya kupanda kwa gharama za maisha yanaongezeka nchini humo. Rais Bola Tinubu ambaye kwa sasa yuko madarakani kwa karibu miezi miwili anataka kuonekana akishughulikia mzozo huo.
Pamoja na hatua nyingine, utawala wake unapanga kutoa fedha kwa familia maskini, lakini kwanza inataka kuunda rejista mpya ya wale wanaostahili kufaidika na mpango huo. Pia kuna mapendekezo ya kupeleka mabasi ya umeme na magari pamoja na magari yanayotumiwa na gesi asilia iliyobanwa ili kupunguza gharama za usafirishaji.
Vyama vya wafanyakazi vimekosoa kuondolewa kwa ruzuku ya mafuta bila hatua za kupunguza kupanda kwa bei.
