Sunday , 22nd Jan , 2017
 

Mshambuliaji wa kimataifa Mbwana Ally Samatta anayeichezea timu ya KRC Genk ya Ubelgiji, jana aliifungia timu yake bao la pekee na la ushidi wakati klabu hiyo ikicheza dhidi ya KAS Eupen katika Ligi Kuu ya Ubelgiji.

Submitted by Jento on Sunday , 22nd Jan , 2017

Mbwana Ally Samatta.

KRC Genk imeshinda 1-0 baada ya Samatta kufunga bao hilo katika dakika ya 82 akiunganisha pasi safi ya Ruslan Malinovysky na kutoka na point tatu ugenini katika uwanja wa Stadion am Kehrweg.

Samatta ambaye amecheza kwa dakika zote 90, alionyesha uwezo mkubwa ikiwa ni pamoja na kuwapa wakati mgumu mabeki wa KAS Eupen kwani licha ya kuwa ugenini walimiliki mpira kwa asilimia 55  na wenyeji hao walimiliki mpira kwa asilimia 45.

Ushindi huo wa KRC Genk umeisongeza klabu hiyo hadi katika nafasi ya 8 ikiwa na pointi 31 katika msimamo wa Ligi Kuu Ubelgiji inayoshikisha timu 16, huku Klabu ya Brugge ikiendelea kuwa kinara wa Ligi Kuu Ubelgiji ikiwa na pointi 43.