Jumapili , 23rd Apr , 2017
 

Tegemeo la watanzania Alphonce Felix Simbu ameshika nafasi ya tano kwenye mbio za London Marathon zilizofanyika leo jijini London.

Submitted by eric on Jumapili , 23rd Apr , 2017

Daniel Wanjiru kutoka Kenya aliibuka kinara wa mbio hizo akitumia muda wa saa 02:05:48, nafasi ya pili ikichukuliwa na Kenenisa Bekele wa Ethiopia aliyetumia muda wa saa 02:05:57.

Nafasi ya tatu ya mbio hizo imeenda kwa mkenya mwingine Bedan Karoki aliyetumia muda wa saa 02:07:41, nafasi ya nne ikaenda kwa mkenya Abel Kirui akitumia muda wa saa 02:07:45, na namba tano ikienda kwa mtanzania Alphonce Simbu aliyetumia muda wa saa 02:09:10.

Timu ya East Africa TV & Radio inapenda kutoa pongezi kwa Alphonce Simbu kwa hatua aliyofikia.