Arsenal wameifunga Liverpool mara moja tu katika michezo 10 ya mwisho ya ligi kuu England EPL
Timu zote mbili zina alama 6 hii ni baada ya kushinda michezo yao yate miwili Arsenal walipata ushindi dhidi ya Fulham wa bao 3-0 na wakaifunga West Ham United 2-1. Liverpool waliifunga Leeds United mabao 4-3 katika mchezo wa ufunguzi na wakainyuka Chelsea mabao 2-0 kwenye mchezo wa pili.
Hali za vikosi
Beki wa pembeni wa Arsenal Kieran Tierney anaweza kurejea kwenye mchezo huu baada ya kupona kutoka kwenye majeruhi Arteta ataendelea kuwakosa Shkodran Mustafi, Cedric Soares na Gabriel Martinelli ambao ni majeruhi wa muda mrefu.
Liverpool watamkosa nahodha wao Jordan Henderson ambae aliumia kwenye mchezo dhidi ya Chelsea hivyo inawezekana kiungo Thiago Alcantara akaanza kwenye kikosi kitakachoanza mchezo wa leo, lakini Joel Matipi ataendelea kukosekana. na Joe Gomes alifanya mazoezi na kikosi na anaweza kuwa sehemu ya kikosi.
Rekodi kueleka mchezo huu
Arsenal wameshinda michezo miwili iliyopita dhidi ya Liverpool, walishinda bao 2 -1kwenye mchezo wa ligi kuu msimu uliopita mwezi Julai, mwezi Agosti katika mchezo wa ngao ya jamii Arsenal walishinda kwa changamoto ya mikwaju ya penati baada ya mchezo kumalisza kwa sare ya bao 1-1 ndani ya dakika 90.
Liverpool wameshinda michezo minne mfululizo waliocheza katika uwanja wao wa nyumbani Anfield dhidi ya Arsenal. Kikosi cja kocha Klopp kimecheza michozo 60 katika dimba hilo pasipo kupoteza katika michezo ya ligi kuu.
Mara ya mwisho Arsenal kushinda katika dimba la Anfield ilikuwa mwaka 2012 ambapo walishinda bao 2-0.
Arsenal wameshinda mara moja kwenye michezo kumi ya mwisho ya ligi dhidi ya Liverpool wamefungwa michezo 5 na wamesare michezo 4.
Arsenal hawajashinda katika michezo 27 ya ugenini waliocheza dhidi ya timu sita za juu kwenye EPL maarufu kama (TOP SIX) wamefungwa mara 17 sare michezo 10 na wameruhusu mabao 61 kwenye michezo hiyo.
