Mahasimu wa Madrid wakutanishwa tena UEFA

Friday , 21st Apr , 2017

Hatimaye shauku ya wadau wa soka imekwisha baada ya Chama cha Soka barani Ulaya (UEFA) leo kuweka wazi ratiba kamili ya michezo ya nusu fainali katika michuano ya Ligi ya Mabingwa barani Ulaya pamoja na 'Europa League'

Katika droo iliyofanyika leo, mahasimu wa soka katika jiji la Madrid nchini Hispania, Real Madrid na Atletico Madrid wamekutanishwa kwa mara nyingine tena, baada ya kukutana katika fainali ya msimu uliopita, ambapo Real Madrid walitwaa ubingwa kwa mikwaju ya penati.

Real Madrid wanaanzia nyumbani siku ya tarehe 2 mwezi Mei na kurudiana siku ya tarehe 9.

Nusu fainali ya pili inawakutanisha Wafaransa AS Monaco ambao ni wanafainali wa mwaka 2003, Monaco dhidi ya Juventus ambao pia ni wanafainali wa mwaka 2015 siku ya tarehe 3 mwezi Mei mwaka huu.

Real imefikia hatua hiyo baada ya kuitoa Bayern Munich, Atletico imeitoa Leicester City, Monaco imeiondosha Borussia Dortmun na Juve imeisambaratisha vigogo FC barcelona.

Kwa upande wa nusu fainali ya Ligi ya Europa Mashetani wenkundu wa England Manchester United wamepelekwa Ufaransa kuikabili Celta Vigo, huku Wadachi Ajax wakianzia nyumbani dhidi ya Wafaransa wengine, Olimpique Lyon, mechi zote zikipigwa Mei 4 mwaka huu.

Man Unite iliitoa Anderlecht ya Ubeligiji kwa jumla ya mabao 3-2 huku Celta Vigo ikiiondosha Genk ya Ubelgiji pia ambayo anakipiga Mtanzania Mbwana Samatta kwa jumla ya mabao 4-3 katika hatua ya robo fainali.

 

Recent Posts

Rais Magufuli akipokea Taarifa ya uchunguzi wa mchanga wa madini mbalimbali uliotakiwa kusafirishwa nje ya nchi kutoka kwenye machimbo ya madini nchini kutoka kwa Mwenyekiti wa Kamati hiyo Profesa Abdulkarim Hamis Mruma Ikulu jijini Dar es Salaam.

Current Affairs
Jinsi Tanzania inavyoibiwa madini

Mohamed Mchengerwa - Mbunge wa Rufiji

Current Affairs
Wananchi wamekondeana - Mchengerwa

Wawakilishi wa timu shiriki wakishuhudia droo pamoja na kupata semina maalum kuelekea michuano hiyo

Sport
Ratiba Sprite Bball Kings yawekwa hadharani

Simba na Yanga walipokutana msimu huu

Sport
Audio: Simba na Yanga kuwania milion 60