Rais Magufuli aimwagia neema shule aliyosomea

Monday , 9th Jan , 2017

Rais wa Tanzania Dkt. John Pombe Magufuli amefanya ziara ya kushtukiza katika Shule ya Msingi Chato, ambapo ndipo aliposoma kuanzia darasa la kwanza hadi la saba na kuzungumza na walimu na wanafunzi wa shule hiyo.

Rais Magufuli (Katikati) akitokelezea na wanafunzi wa Shule ya Msingi Chato

 

Rais Dkt Magufuli ameahidi kujenga madarasa matatu na ofisi moja ya walimu katika Shule hiyo kufuatia ombi la walimu kuwa shule hiyo inakabiliwa na uhaba wa vyumba vya madarasa ikilinganishwa na idadi ya wanafunzi wanaosoma shuleni hapo.

Aidha Dkt. Magufuli amewaasa wanafunzi kutilia mkazo masomo ili waweze kufaulu na kuwataka walimu kuhakikisha wanatumia vyema fedha zinazotolewa na Serikali kila mwezi katika kutoa elimu bila malipo na pasiwe na wanafunzi hewa kama ilivyo kwa baadhi ya shule ambazo zimegundulika kuwa na wanafunzi hewa katika uhakiki uliofanywa na serikali.

Rais Magufuli akigonga kengele ya shule mara baada ya kuwasili shuleni hapo

Kwa upande wake Mwalimu Mkuu wa Shule ya Msingi Chato, Bwana Mwita Chacha amemshukuru Rais Dkt.Magufuli kwa msaada aliowapatia katika kukabiliana na uhaba wa madarasa uliokuwa unaikumba shule hiyo, pia kuitembelea shule yao jambo ambalo limewatia moyo walimu na wanafunzi shuleni hapo.

Rais Magufuli pia ametembelea eneo la Stand ya zamani na kuzungumza na baadhi ya wananchi waliokuwepo eneo hilo na kutoa msaada kwa kikundi cha wasafisha viatu ili kuongeza mtaji wa biashara yao.

Rais Magufuli akiwa kwenye kibanda cha kupigia viatu kiwi pamoja na wakazi wengine wa Chato, katika eneo la stendi ya zamani. Hapo ndipo Rais Magufuli alikuwa akipatumia kusafisha viatu vyake kabla hajawa Rais

Recent Posts

Jaji Mkuu Mstaafu - Mohamed Chande Othman

Current Affairs
Nimeiacha mahakama pazuri - Jaji Chande

Rais Magufuli akimuapisha Jaji Prof. Ibrahim Hamis Juma kuwa Kaimu Jaji Mkuu wa Tanzania, Ikulu Dar es Salaam

Current Affairs
Kaimu Jaji Mkuu ataja atakaloanza nalo

Wanahabari wakiwa kazini

Current Affairs
Wanahabari nao watinga mahakamani kupinga sheria

Kiungo wa Mtibwa Ally Shomari akipambana na beki wa Simba Hamad Juma

Sport
Simba yapotea njia kwenye mashamba ya miwa

Godbless Lema (Kushoto) na Mkewe Neema

Current Affairs
Gambo kutoa ushahidi kesi ya Lema na mkewe