Mbunge wa Nyeri Mjini , Ngunjiri Wambugu amefungua mashtaka hayo leo katika Tume ya Majaji akitaka Jaji Maraga ang’olewe kwa kile alichokieleza kuwa utendaji wake ni mbaya.
Wambugu amewasilisha mashtaka yenye kurasa 14 na ameomba Tume ya Majaji kwa kushirikiana majaji na mahakimu kuanzisha uchunguzi dhidi ya Jaji Maraga ili kubaini mwenendo wake tangu alipoteuliwa kushika wadhifa huo.
Chama cha Jubilee wanataka jaji huyo achunguzwe kutokana na kuhusishwa na mashirika ya kiraia yanayompinga Rais Kenyatta Nairobi, Kenya.
Kwa mujibu wa Chombo cha habari Kenya kimeandika kuwa Mbunge huyo amedai jaji huyo alimzuia Jaji Mohamed Ibrahim kushiriki katika kesi iliyofunguliwa na mgombea wa Nasa, Raila Odinga aliyekuwa akipinga matokeo ya urais. Jaji Ibrahim alishindwa siku ya pili kusikiliza kesi hiyo kutokana na kuugua.
Septemba 1 mwaka huu Jaji David Maraga alibatilisha matokeo ya Urais yaliyompa ushindi Mgombea wa Jubilee Uhuru Kenyata kupitia kesi iliyofunguliwa na Muungano wa vyama vya upinzani Nasa kwa kusema kuwa uchaguzi ulikuwa na dosari
